ФИФА одлучи да ја зајакне борбата против расизмот во фудбалот со воведување построги мерки за казнување на расната дискриминација. Доколку судијата забележи расистички навреди или играчите ги пријават, натпреварите ќе бидат прекинати, а можно поради расизам тие да не се ни доиграат.
На 74. Конгрес во Бангкок, меѓународната фудбалска федерација ФИФА донесе историска одлука да ја одобри и преземе колективната одговорност за глобалната позиција против расизмот во фудбалот. ФИФА, во соработка со сите национални асоцијации, ќе активира програми и акции во секоја од петте области на дејствување кои ја поткрепуваат глобалната позиција против расизмот: правила и санкции, акција на теренот, кривични пријави, образование и глас на играчите.
Според втората област на дејствување, акција на теренот, Конгресот на ФИФА едногласно прифати дека глобалниот фудбал ќе ги прекине привремено, но и трајно натпреварите во случаи на расизам, воведувајќи глобален стандарден гест со кој играчите ќе можат да комуницираат расистички инциденти и судиите да сигнализираат задолжително спроведување на процедура во три фази која ќе биде задолжителна во сите 211 асоцијации членки на ФИФА.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
