Меѓународната фудбалска федерација заедно со Унијата на фудбалери работат на проект што поскоро да се намали проблемот на социјалните мрежи со расизмот и говорот на омраза.
ФИФА донесе одлука и обелодени дека со помош на специјална „вештачка интелигенција“ експресно ќе се скенира расизам и говор на омраза на социјалните мрежи, за да се спречи таквите коментари да бидат видени од „жртвата“ и неговите следбеници.
Во сеопфатна студија, „вештачката интелигенција“ беше искористена за испитување на повеќе од 400.000 објави на социјалните мрежи. Коментари беа оценувани за време на полуфиналната и финалната фаза на Европското фудбалско првенство и Африканскиот куп на нации во 2021 година.
Резултатите беа шокантни: повеќе од 50 проценти од играчите беа дискриминирани во некаква форма, а најголемиот дел од овие изјави доаѓаа од нивните матични земји. Хомофобични (40 проценти) и расистички (38 проценти) коментари го сочинуваа најголемиот дел од објавите. Многу од овие коментари сè уште се видливи на профилите од каде што првично беа објавени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
