Меѓународната фудбалска федерација ФИФА, почна дисциплинска постапка против Бразил и Аргентина, за нередите на натпреварот во квалификациите за пласман на СП 2026 година одигран на „Маракана“.
Нередите почнаа веднаш по интонирањето на химните, кога екипите се вратија во соблекувалните, а натпреварот почна со пола час задоцнување. Аргентинскиот фубдалски сојуз е обвинет за нереди на навивачите и за доцнењето на натпреварот, во кој светскиот првак славеше со 0-1.
Бразил ќе биде под постапка поради пропусти во организација на мечот.
Аргентинските репрезентативци се обидоа да ја смират ситуацијата на трибините, а потегот на Емилијано Мартинез стана вирален, откако нападна полицаец на трибината.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
