Фудбалската репрезентација на Македонија ќе ја заврши оваа 2024 година како 67. селекција на ранг-листата на ФИФА, чие последно издание за годинава беше објавено денеска.
Со оглед на фактот дека репрезентациите немаа натпревари во последните триесетина дена, очекувано е што кај речиси сите нема никакви промени во пласманот во однос на ноемвриското рангирање од светската куќа на фудбалот. Така, Македонија се наоѓа на 67. позиција, веднаш зад Албанија и Буркина Фасо, а пред репрезентациите на Грузија, Финска…
Нема никакви промени ниту во Топ 10 рангирањето на ФИФА-листата, така што Аргентина останува на првото место, пред селекциите на Франција, Шпанија, Англија, Бразил, Португалија, Холандија, Белгија, Италија и Германија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
