ФИФА суспендираше четири фудбалери на Уругвај

Светската фудбалска федерација (ФИФА) суспендираше четири репрезентативци на Уругвај поради инцидентот на мечот против Гана во победата од 2-0 во третото коло на Светското првенство во Катар.

ФИФА ги суспендираше Единсон Кавани, Фернандо Муслера, Хозе Марија Хименес и Диего Годин. Муслера и Хименес добија по четири натпревари казна, додека Кавани и Годин ќе мора по еден меч да паузираат од репрезентацијата.

Суспендираните фудбалери мора да работат општествено корисна работа на фудбалски проект и да платат казна од 20.000 швајцарски франци, објави ФИФА.

Уругвајската фудбалска федерација е казнета со 50.000 швајцарски франци. Дисциплинската комисија на ФИФА одлучи дека уругвајската федерација е одговорна за дискриминаторското однесување на навивачите, како и за несоодветното и навредливо однесување на играчите и кршењето на принципите на фер-плеј.

Се вчитува...