Светската фудбалска федерација ФИФА воведе вонреден преоден рок и тој ќе трае од 1. до 10. јуни. следната година.
Сепак, треба да се нагласи дека овој преоден рок ќе важи само за клубовите кои следното лето ќе играат на Светското клупско првенство кое ќе трае од 15. јуни до 13. јули во 11 градови во САД.
На тој шампионат ќе видиме 32 клуба, од кои 12 од Европа: Реал Мадрид, Манчестер Сити, Баерн, Борусија Дортмунд, ПСЖ, Интер, Челси, Порто, Бенфика, Атлетико Мадрид, Салцбург и Јувентус. Според тоа, гореспоменатите клубови можат по исклучок да купуваат и регистрираат играчи во првите десет дена од јуни следната година.
Играчите чии договори завршуваат на 30. јуни 2025 година, нема да можат да бидат пријавени и да играат на него доколку дотогаш не ги продолжат договорите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
