Синдикатот на професионални фудбалери ФИФПро бара фудбалерите да добијат поголема пауза бидејќи густиот распоред по прекинот поради пандемијата од коронавирусот ќе трае до 2022 година.
„Скокот во бројот на повреди поради недоволно време за подготовки и пренапорниот распоред е уште на самиот старт видлив“, стои во соопштението на ФИФПро.
Тие додаваат дека влијанието на коронавирусот ќе значи уште поинтензивен распоред на натпреварите во следните две години. Синдикатот бараше период од најмалку три седмици одмор пред почетокот на подготовките за новата сезона и уште една пауза во текот на сезоната која ќе треба да трае од 10 до 14 дена.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
