Официјалната организација на професионалните фудбалери во светот, ФИФПРО, го избра најдобар тим на годината.
Изборот доаѓа по гласањето во кое учествувачле 28.000 професионални фудбалери од целиот свет, при што е одреден идеалниот тим во кој доминираат играчите на Реал Мадрид.
Вкупно шест фудбалери на Реал Мадрид се избрани во најдобриот тим на годината, вклучувајќи го тука и Килјан Мбапе кој минатата сезона играше за француски ПСЖ.
Меѓу најдобрите од Реал се и Тони Крос, кој се пензионираше по крајот на сезоната, како и Дани Карвахал, Антонио Ридигер, Џуд Белингам и Винисиус Жуниор. Сите останати пет фудбалери во изборот на идеалните 11, се од Премиерлигата.
Четворица од Манчестер Сити, и тоа Едерсон, Родри, Де Брујне и Халанд, како и Вирџил Ван Дајк од Ливерпул.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
