Огромно е незадоволството во португалската фудбалска јавност по елиминацијата на репрезентацијата во четвртфиналето на Светското првенство 2022 во Катар.
Огромни тензии владеат меѓу навивачите на Португалија но и меѓу лицата во и околу репрезентацијата, а сите нив дополнително ги загреа легендарниот Луис Фиго.
Фиго одлучи јасно и гласно да каже кого го смета за главен виновник за испаѓањето на Португалија од Мароко…
„Не може да го освоите Светското првенство со Кристијано Роналдо на клупа. Победата против Швајцарија? Одлично! Но, може ли тоа да го правите на секој натпревар? Не. Да го оставите Роналдо на клупа беше грешка. Менаџерот и неговиот стручен штаб се одговорни за овој пораз“ – вели Фиго.
И навивачите на Португалија го сметаат селекторот Фернандо Сантош за главен виновник за елиминацијата на тимот. Сантош, пак, по мечот истакна дека не се кае за тоа што го оставил Роналдо на клупа.
„Не. Не се каам. Повторно би го направил истото. Го уфрливме Роналдо во игра баш токму тогаш кога требаше и кога ни беше најпотребен“ – рече Сантош по мечот со Мароко.
🎙 Luis Figo: “You can’t win a World Cup with Cristiano Ronaldo on the bench. Win against Switzerland? Excellent! But can you do that in every game? No.
Leaving CR7 on the bench was a mistake, this defeat is the responsibility of the management and the manager.”#FIFAWorldCup pic.twitter.com/y0BRYlV3dl
— Football Tweet ⚽ (@Football__Tweet) December 10, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
