Филаделфија на синоќешниот НБА натпревар против Денвер играше со само седум кошаркари, меѓу кои и четири рукија, откако шест кошаркари поради НБА протоколите добија карантин.
Филаделфија загуби со 115-103, а 20-годишниот Тајрис Максеј, 21. пик на минатогодишниот драфт, најдобро ја искористи шансата и постигна 39 поени, што е најголем број поени за еден руки-играч на Филаделфија уште од 1997 година кога Ален Ајверсон постигна 40 поени.
Откако Сет Кари дозна дека е позитивен на коронавирус, тој и уште четворица кошаркари со кои бил во контакт се во карантин. Ако на тоа се дополнат и повредите на Џоел Ембид и Бен Симонс, Филаделфија остана на осум достапни што е задолжителен минимум за натпреварот да се одигра.
HERE COME THE SIXERS BABY pic.twitter.com/ubj4RFuHwm
— Adam Aaronson (@SixersAdam) January 9, 2021
За Денвер најмногу поени постигна Гери Харис – 21, а Никола Јокиќ беше блиску до „трипл-дабл“ со 15 поени, 12 асистенции и девет скока.
Лука Дончиќ имаше извонредна партија во победата на Далас против Орландо од 112-98, запишувајќи „трипл-дабл“ од 20 поени, 11 скока и 10 асистенции.
Портланд запиша убедлива на гостувањето против Сакраменто со 99-125, предводен од МекКалум со 37 поени, додека Демијан Лилард дополни со 17 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
