Денеска истекува рокот до кога Олимпијакос треба да одговори на понудата на Црвена звезда за Филип Петрушев. Според последните информации од Пиреја, грчкиот гигант е се поблиску до одлуката да го задржи српскиот репрезентативец.
Петрушев е играч на Олимпијакос кој поголемиот дел од минатата сезона ја мина на позајмица во Црвена звезда. Претседателот на клубот од „Мал калемегдан“, Жељко Дрчелиќ најави дека еден од главните приоритети е откупување на договорот на српскиот репрезентативец.
Сепак, според последните информации од Грција, се чини дека Олимпијакос е многу поблиску до одлуката да го задржи Петрушев.
Петрушев во оваа сезона во Евролигата беше еден од најдобрите играчи на Црвена звезда, со просек од 14,1 поен, 4,9 скока и 1,7 асистенции по натпревар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
