Финалето на фудбалскиот Куп на Македонија ќе се одигра на 17 мај на стадионот „Младост“ во Струмица, со почеток во 17.30 часот. Оваа одлука сега е дефинитивна и доаѓа од Куќата на фудбалот. Силите во големото финале оваа сезона ќе ги одмерат бранителот на трофејот Шкендија и Пелистер. Одредена е и цената на билетите која ќе изнесува 100 денари.
Во опција за добивање на организацијата на финалето на Купот на Македонија беше и Градскиот стадион во Штип.
Струмица по подолг период ќе добие организација на еден голем фудбалски настан, а ова за стадионот „Младост“ ќе биде можеби и своевиден тест за понатамошно добивање на организацијата на квалификацискиот натпревар меѓу Македонија и Албанија. Секако, голема улога во тоа ќе има и инспекцијата од УЕФА, која сигурно ќе треба да даде одобрение за користење на стадионот за меѓународни натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
