Спортската сала „25. Мај“ во Радовиш по вторпат ќе биде домаќин на финалниот турнир од Купот на ОФМ во машка и женска конкуренција, кој ќе се одржи од 3. до 5. април годинава.
Тридневната куп-програма ќе стартува на 3 април (четврток) со полуфиналните дуели во машка конкуренција. Ден подоцна (4 април, петок) на програмата се полуфиналните натпревари кај дамите. На 5 април (сабота) закажани се финалните дуели, прво во женска, а потоа и во машка конкуренција.
Пласман во полуфиналето кај мажите обезбедија бранителот на титулата Штип УГД, Струмица 47&72, Борец и Работнички 71&22. Кај дамите во полуфиналето се најдоа Наковски Волеј, Јанта Волеј КВ, Фит Фан Волеј и Работнички Скопје.
Ждрепката за полуфиналните парови е закажана за 7. март (петок) во 13 часот во хотелот „Александар Палас“ во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
