Македонскиот Олимписки Комитет заедно со партнерите во СЦ „Јане Сандански“ во Скопје, го одржа настанот за проектот „Фер игра“, каде беше презентирано истражувањето за родова еднаквост и инклузивност во спортот.
На истиот, претседателот на МОК, Даниел Димевски информираше дека 15 национални спортски федерации ќе добијат суб-грантови од по 6.700 евра.
Меѓу другото, федерациите веќе добија информации за критериумите, процесот на аплицирање и роковите.
„Поддршката е наменета за активности што промовираат родова еднаквост и вклучување на жени – вклучително и жени со попреченост – во спортското лидерство. Ова е чекор напред кон пофер и поинклузивен спорт во Македонија!“ – беше истакнато на настанот за родова еднаквост и инклузивност во спортот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
