Македонската одбојкарска репрезентација претрпе пораз од 3-1 во полуфиналето од Ф4 завршниот турнир од Европската сребрена лига. Финците кои беа фаворити на денешниот натпревар ја оправдаа улогата и со подобра игра во поголемиот дел од мечот повторно ја сопреа Македонија од влез во „елитата“.
Нашите репрезентативци подобро го започнаа првиот сет во која имаа и предност од 9-13, но Финците успеаја да стигнат до целосен пресврт и да слават со 25-22 за 1-0. „Црвено-жолтиот“ одговор следеше во вториот сет во кој овој пат не беше испуштана предноста па 20-25 Македонија стигна до изедначување од 1-1.
Финците повторно беа на врв на својата задача во третиот сет во кој пресудна беше серијата од 5-0 при резултат 9-9 за водство од 14-9 за кое Македонците немаа одговор па противникот повторно поведе (2-1). Четвртиот сет беше изедначен само во воведот, а со две серии Финците успеаја да ја направат потребната предност и да стигнат до победа.
По поразот во денешниот натпревар останува битката за третото место во кое нашите репрезентативци силите ќе ги одмерат со поразениот од натпреварот помеѓу Романија и Унгарија.
WHAT A RALLY!!! 💥
Finland 🇫🇮 and North Macedonia 🇲🇰 produce a fierce battle in the first semi-final of the Silver #EuroLeagueM 👀 and it’s only the beginning of this #Volleyball show! 🔥Watch LIVE on https://t.co/35InljpTyP! @FinnVolleyBall @volleyballmkd pic.twitter.com/0RtbI1IRFv
— European Volleyball (@CEVolleyball) June 18, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
