Пред 19 години Кристијано Роналдо ги воодушеви челниците на Манчестер Јунајтед на подготвителниот натпревар кој овој клуб го одигра против Спортинг Лисабон, а Португалецот беше главна тема по тој натпревар.
Набрзо потоа тој потпиша за „црвените ѓаволи“ а се друго е историја.
За Роналдо зборуваше и неговиот поранешен соиграч Дарен Флечер, кој откри дека тогашниот помошник тренер во тимот, Волтер Смит, бил еден од најзаслужните што Роналдо израснал во таков играч каков што е денес.
„За мене, Волтер Смит е личноста која го направи Роналдо нешто повеќе. Тој дојде во клубот како помошник некаде околу Божиќ 2003 година. Роналдо сакаше да дрибла на тренинзите и правеше се сам, но тогаш Смит донесе одлука која го промени. Смит одлучи дека нема да има прекршоци на тренинзите кога играме. Роналдо тогаш само дриблаше и тој сакаше се сам, а ние постојано го фаулиравме … Што се случи неколку недели подоцна? – Роналдо почна да ја додава топката бидејќи му здодеваше од толку многу дриблинзи. Почна да игра на еден или два допири и да трча во празно. Потоа веќе почна да постигнува многу повеќе голови и се случи клик во неговата глава. Тој имаше многу поголемо влијание на играта и тогаш започна трансформацијата на Крис“, откри Флечер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
