Зинедин Зидан и Еден Азар редовно „флертуваат“ еден со друг, францускиот стратег истакнувајќи го воодушевувањето од квалитетите на Белгиецот, додека фудбалерот на Челси веќе во неколку наврати јавно говори за високото мислење што го има за тренерот на Реал Мадрид. Во тој правец е и најновата изјава на Азар, кој ја остава отворена вратата за евентуален трансфер на „Сантијаго Бернабеу“ во иднина.
„Сите знаат колку високо мислење имам за Зинедин Зидан, тој ми беше идол како фудбалер додека растев, а сега работи одлично и како тренер. Не знам што ми носи иднината во кариерата, но јасно е дека би ми било остварување на сонот доколку заиграм за Зидан“ – изјави Азар.
„Кралевите“ и минатото лето се интересираа за Белгиецот, но Челси не сакаше ни да чуе за негова продажба. Останува да се види дали ситуацијата ќе се промени по завршувањето на сезонава, кога крилниот офанзивец и самиот би можел да инсистира на трансфер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
