Барселона претрпе тежок пораз во првиот натпревар во Мадрид, каде што Атлетико победи со 4-0 пред своите домашни навивачи, но се покажа дека дури ни тоа не беше сигурен резултат против каталонскиот клуб.
Синоќа на стадионот „Камп Ноу“ гледавме навистина одличен натпревар во кој Барселона беше на чекор од неверојатен кам-бек, но Атлетико некако успеа да преживее на крајот и да се пласира во финалето.
Барселона победи со 3-0, со два гола постигнати од младиот Марко Бернал и еден од Рафиња.
По натпреварот, тренерот на домашната екипа, Ханси Флик, застана пред камерата и не криеше колку е горд на својот тим, без оглед на фактот што не успеаја да стигнат до финалето на натпреварувањето во кое го бранеа трофејот.
„Вечерва ја покажавме нашата храбра страна. Горд сум на момците и задоволен од она што го видов. Младите играчи што доаѓаат од Ла Масија играат на неверојатно ниво. Сепак, во исто време сме разочарани затоа што испаднавме од лигата, особено затоа што сега бевме на еден чекор од голот“, рече Флик и додаде.
„Имавме шанси да дојдеме и до четвртиот и до петтиот гол. Можеме да бидеме горди на овој меч“, изјави Германецот на клупата на Барселона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
