Продолжувањето на обврските во Лигата на Шампионите за фудбалерите на Барселона носат домашен натпревар против екипата на Брест, едно од најпријатните изненадувања во сезоната.
Тренерот на каталонците, Ханси Флик верува во победа на неговиот тим, но додаде и дека неговите избраници мораат да бидат свесни за квалитетот кој го поседуваат.
„Брест има добри играчи и игра добро оваа сезона. Ќе биде достоен ривал, но ние мораме да се фокусираме на победа. Ќе биде многу важно да го контролираме поседот. Нашата цел е три бода од оваа средба“, изјави Флик кој се осврна и кон лошата форма во последните две средби.
„Имаме млад тим, можеби најмладиот во првенството. Пред нас е долг пат да стигнеме до посакуваниот резултат. Има уште многу работи кои сакаме да ги подобриме во играта со топка. Важно е да бидеме смирени. Потребно ни е пред се играчи кои веруваат во својот квалитет“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
