Брилијантниот стопер на Баер Леверкузен, Џонатан Тах е на радарот на Реал Мадрид како потенцијално решение за нивните дефанзивни проблеми.
По повредата на Едер Милитао, Анчелоти останува без опции во одбраната, а Тах би можел да донесе стабилност. Дефанзивецот сезонава има 17 настапи и еден гол за Баер Леверкузен.
Германските медиуми откриваат дека Реал планира да го донесе Тах оваа зима, што би било преседан со оглед на тоа што клубот вообичаено не носи играчи во зимскиот преоден рок. Оваа практика постои затоа што новодојдените играчи немаат доволно време да се прилагодат.
Интерес за Тах пројавува и Баерн, но планира да го доведе следното лето кога ќе му истече договорот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
