Големата награда на Емилија-Ромања во Имола нема да се одржи овој викенд поради екстремните временски услови во северниот италијански регион.
Причина се големите поплави во кои животот го загубија најмалку девет лица и поради кои беа евакуирани повеќе од 13.000 жители од тој регион.
„Одлуката за одложување е донесена бидејќи не е можно безбедно да се организира настанот за нашите навивачи, тимови и нашиот персонал и тоа е правилно и одговорно нешто да се направи со оглед на ситуацијата во која се наоѓаат местата и градовите во регионот. “, стоеше во вчерашното соопштение од Ф1.
Само еден ден подоцна, застрашувачки сцени пристигнуваат од Емилија-Ромања, меѓу нив и од автодромот Имола.
Персоналот на Формула 1 беше замолен да ја напушти патеката во вторник поради стравувањата од поплави бидејќи нивото на водата во реката Сантерно, која тече покрај патеката, се зголеми.
Дел од патеката беше поплавен, а недалеку од неа беа снимени навивачи со знамето на Ферари, во кајаци.
#SkyMotori #F1 #Formula1 #EmiliaRomagna #EmiliaRomagnaGP https://t.co/kWk77xsfIr
— Sky Sport F1 (@SkySportF1) May 18, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
