Швајцарија му укажа неверојатна чест на Роџер Федерер, откако беа пуштени во употреба сребрени монети од по 20 франци со ликот на неповторливиот тенисер. Тој е првиот човек во историјата на швајцарската држава кому ваква чест му се укажува додека е жив, во продажба беа пуштени 55.000 монети, кои беа експресно распродадени.
„Роџер е идеален амбасадор на нашата држава, најдобар спортист на сите времиња и ја заслужува оваа чест“ – објави Владата на Швајцарија.
Воедно, најавено е дека во мај 2020 година ќе бидат пуштени во употреба и 40.000 златни монети од по 50 франци.
„Благодарам, Швајцарија, за оваа неверојатна чест и привилегија“ – напиша Роџер Федерер на својот профил на социјалните мрежи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
