Холанѓанецот Франк де Бур е најсериозен кандидат за преземање на клупата на Кристал Палас. По разочарувачката епизода во Интер, поранешниот холандски репрезентативец е блиску до преселба во Премиер – лигата, откако веќе почнал разговори со лондонскиот клуб за да го наследи на менаџерската функција Сем Алардајс.
Детали не се објавени, но потврдено е дека разговорите меѓу двете страни се близу до финализација и се очекува наскоро Де Бур да стане нов менаџер на Кристал Палас.
Во својата тренерска кариера 47-годишниот Холанѓанец има четири шампионски титули во Холандија со тимот на Ајакс со кој се афирмираше како тренер. Поранешениот холандски репрезентативец му беше и помошник на селекторот Берт ван Марвијк кој ги предводеше Холанѓаните до финале на Мундијалот во 2010 година во Јужна Африка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
