Поради здобиената повреда, фудбалерот на француската репрезентација, Усман Дембеле нема да може да му помогне на својот тим до крајот на Европското првенство. На дуелот со Унгарија (1-1), Дембеле помина само 22 минути во иггра, а потоа го напушти теренот со болна гримаса.
Според медицинскиот извештај, се испостави дека станува збор за проблем со коленото, поради што 24-годишниот фудбалер на Барселона ќе мора да отсуствува три недели. Дембеле веќе го напуштил тренинг камп центарот.
За потсетување, пред ремито со Унгарија, Франција ја совлада Германија со 1-0, а во последното коло „петлите“ ќе се сретнат со Португалија, меч кој е закажан за среда со почеток од 21 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА