Француската ракометна репрезентација остана без услугите на Елохим Пранди на престојното Светско првенство во јануари, поради повреда. Францускиот репрезентативец се повреди на мечот помеѓу Франција и Шведска, кога го измести левото рамо.
Беше принуден да го напушти мечот, а дополнителните прегледи открија дислокација на левото рамо. Неговиот клуб отсуството го проценува на неколку месеци.
Со оглед дека имаше одличен старт на сезоната за ПСЖ и во првенството и во Лигата на шампионите, за Франција ова е голем хендикеп. Веќе е извесно дека нема да игра на Мундијалот.
Франција е еден од потенцијалните ривали на Македонија на првенството.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
