Ракометната репрезентација на Франција го задржа сто отстотниот учиник во втората групна фаза на Европското првенство кое се одржува во Германија откако во четвртиот натпревар славеше против Австрија со 33-28, потврдувајќи ја првата позиција во групата „1“.
Мотивираните Австрици подобро го започнаа натпреварот и од самото отварање стигнаа до предност од три голови (2-5), но како што одминуваа минутите Франција успеа да се врати во игра, влезе во серија па и самата поведе со 15-12. Финишот на првото полувреме сепак беше во знакот на „црвено-белите“ кои со серија од 4-0 негативата ја претворија во минимална предност од 15-16.
Сепак ракометарите на Австрлија не успеаја да го задржат моментумот. „Триколорите“ влегоа во нова серија и со одлична игра на двата дела од теренот стигнаа до предност од четири голови (30-26) во вториот дел од второто полувреме, а предноста умееја да ја задржат и до самиот крај.
Мем и Фабрегас со по седум голови беше лидери на Франција, додека по шест голови за Австрија забележаа Билјк и Хутечек.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
