Франција останува единствена перфектна репрезентација на Европското првенство откако и во последното коло од главната фаза во групата 2 славеше над Шпанија со убедливи 36-23.
Французинките сите дилеми околу победникот ги решија уште во првото полувреме кое го добија со 17-9. Клои Валентан со шест гола беше прво име кај Французинките, додека кај Шпанките Коста Кампос заврши со пет.
Во полуфиналето ќе имаме вистински спектакл бидејќи во групата 1 во скандинавското дерби Данска ја совлада Норвешка со 29-31 и со тоа ги испрати Норвежанките на мегдан на Франција во полуфиналето во Љубљана, а Данките таму ќе играат против Црна Гора. Најдобар поединец кај победникот беше Ане Мете Хансен со седум гола, додека кај поразените недовлни беа осумте погодоци на Нора Мерк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
