Репрезентацијата на Франција е последниот полуфиналист на ракометното Светско првенство во Шведска и Полска откако во четвртфиналето славеа над репрезентацијата на Германија со 35-28.
Германците одлично го стартуваа натпреварот и во поголемиот дел од првото полувреме имаа предност, а во неколку наврати и од плус три. Сепак, Французите до крајот на првите триесет минути одиграа перфектно и на пауза резултатот на семафорот изнесуваше 16-16.
Во вториот дел до израз дојде поголемото искуство на Французите кои одиграа одлично и на крајот стигнаа до триумф од 35-28. Најдобар поединец во победничкиот табор беше Фабрегас со пет гола, додека кај Германците шест постигна Гола.
Во полуфиналето Французите ќе се сретнат со домаќинот Шведска, додека втората полуфинална двојка ја сочинуваат Данска и Шпанија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
