Мартовскиот прозорец се покажа како вистински погодок за француската репрезентација, која успеа да слави и на двете средби одиграни на мини-турнеата низ САД.
Неколку дена по триумфот од 2-1 над Бразил, француските фудбалери вечерва беа подобри и од Колумбија, рутински триумфирајќи со убедливи 3-1.
Дезире Дуе го отвори резултатот откако ударот на крилниот офанзивец на ПСЖ закачи еден противнички дефанзивец и го измами колумбискиот голман. На одмор се замина со 2-0 откако Турам стрелаше прецизно со глава, а во вториот дел Франција поведе и со 3-0, со вториот гол што по еден беспрекорен контранапад го постигна Дуе.
Се што успеа Колумбија да стори до самиот крај беше утешниоот погодок на „резервистот“ Кампаз во 77. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
