Американскиот тенисер Тејлор Фриц е првиот финалист на АТП завршниот турнир во Торино откако вечерва славеше над Германецот, Александер Зверев со 2-1, по сетови 6-3, 3-6 и 7-6.
Првиот сет му припадна на Американецот кој без поголеми проблеми го доби со 6-3, додека во вториот Германецот возврати на ист начин. Во одлучувачкиот трет сет добивме голема борба во која на крајот посреќен беше Фриц кој славеше во тај-брејк за финале на завршниот турнир.
Во второто полуфинале кое на програмата е вечерва од 20.30 часот ќе се сретнат домашниот тенисер и прв рекет во светот Јаник Синер и Норвежанецот, Каспер Руд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
