Манчестер Јунајтед ги забележа првите три бода во Лигата на Шампионите откако во третото коло славеше против Копенхаген со 1-0 на „Олд Трафорд“ во натпревар во кој херој на „црвените ѓаволи“ беше голманот Андре Онана кој одбрани пенал во продолжението на второто полувреме.
Фудбалерите на Манчестер Јунајтед го прославија Онана на социјалните мрежи, но објавата на Алехандро Гарначо донесе и непосакувана истрага за расизам. Имено, младиот Аргентинец на социјалните мрежи објави фотографија од Онана која ја опиша со два емоџија – горили, кои фудбалската федерација на Англија ги протолкува како расистички.
Сепак очекувањата се дека Гарначо нема да биде санкциониран за објавата со оглед на тоа што во негова одбрана застана и самиот Онана.
„Луѓето не треба да бираат што ме навредува мене. Гарначо мислеше на моќта и силата. Ова не треба да оди понатаму“, се огласи Камерунецот.
🔴🇦🇷 FA have been investigating into Garnacho’s social media post in which he used gorilla emojis over a picture of Andre Onana’s penalty save.
🇨🇲 Onana replies: “People can’t choose what I should be offended by. Garnacho meant power and strenght. This should go no further”. pic.twitter.com/k6kea9Iwgz
— Fabrizio Romano (@FabrizioRomano) October 26, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
