Фудбалерот на перуанскиот Комбири, Сесар Монталво беше уапсен на сред натпревар со Хуанте, поради наводен лажен идентитет.
За време на мечот од Купот на Перу, полициски единици упаднале на терен и со лисици на рацете го извеле фудбалерот надвор од теренот. Како што пренесуваат медиумите, полицијата добила докази дека Монталво е всушност Хозе Антонио Лараин Контрерасма, криминалец кој бил две години во бегство, а осуден поради разни нелегални активности, закани, физички пресметки и кражби.
Монталво, излегувајќи од терен, постојано викал дека тој не е Контрерасма. Но, и покрај тоа веднаш му е одреден притвор во обид да се докаже неговиот идентитет. Се заканува затворска казна и за раководството на Кимбири ако се докаже дека свесно криеле криминалец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА