Онаа добро препознатливата мисла на англискиот репрезентативец Гари Линекер – „Фудбалот е интересна игра во која сите знаат да играат, но на крајот секогаш победува Германија“, од вечерва добива една поинаква димензија. Барем за нас.
Македонскиот херои запишаа историјата во Дуисбург и покрај тоа што пред себе го имаа повеќекратниот светски и европски шампион. И покрај тоа што против себе го имаа и рускиот судија, на крајот благодарение на двајцата дијаманти во тимот, капитенот Горан Пандев и Елиф Елмас, а дополнети од Барди, Адеми, Алиоски, Николов, Димитриевски, Велковски, Муслиу, Трајковски, Спировски, Бејтулаи, Стојановски… уште еднаш запишаа историја која секогаш ќе се памети.
Па, од вечерва: ФУДБАЛОТ Е ИНТЕРЕСНА ИГРА ВО КОЈА НА КРАЈОТ СЕКОГАШ ПОБЕДУВА МАКЕДОНИЈА!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
