Барселона повторно е осамена на чело на табелата во шпанската Ла Лига откако избраниците на Ханси Флик попладнево славеа во каталонското дерби против Џирона со убедливи 4-1.
Барса демонстрираше целосна надмоќ на теренот, поведе со автоголот на Крејцл, а Џирона израмни со својата првата шанса на мечот, преку Данјума на асистенција на Блинд. Потоа на сцена стапи Роберт Левандовски, полскиот ас ја покажа голгетерската класа со фантастичен погодок за 2-1, кога топката делуваше недостижна за него, но тој успеа да најде начин не само да стигне до неа, туку и да ја смести во мрежата.
Левандовски десетина минути подоцна погоди уште еднаш за 3-1, а „резервистот“ Феран Торес стави печат на победата мајсторски погаѓајќи за 4-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
