Воведниот натпревар од 29-то коло од шпанската Ла Лига се одигра на стадионот „Керамика“ во Виљареал, каде што истоимениот домашен тим го победи Сосиедад со 3:1.
Благодарение на овој триумф, Виљареал ќе ја помине ноќта на третото место со 58 бода, еден повеќе од Атлетико Мадрид, додека Сосиедад има 38 бода на седмото место на табелата.
„Жолтата подморница“ го почна мечот со гол. Во седмата минута од мечот Пепе изведе корнер од десната страна кон блиската статива, од каде што Комесанја ја насочи топката со петица кон вториот дирек, каде што капитенот Жерар Морено ја чекаше и со глава ја погоди во мрежата.
Морено одигра голема улога во вториот гол, постигнат само осум минути подоцна. Овој пат Виљареал започна брз контранапад, Морено влезе во шеснаесетникот и шутираше по додавањето на Молеиро, голманот Ремиро ја одби топката, но само до Микаутѕе, кој го дуплираше водството на домаќините.
На 3-0 зголеми Пепе кој мина тројца противнички играчи и стрелаше од околу 14 метри, испраќајки ја топката во долниот десен агол.
Сучиќ со гол донесе надеж, но не и Сосиедад да направи нешто повеќе од овој дуел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
