Македонската футсал репрезенација го забележа вториот пораз во квалификациите за пласман на Европското првенство. Вечерва во СЦ „Јане Сандански“, селекцијата на актуелниот европски првак Португалија беше подобра и славеше убедливо со 1-5.
И покрај водството на Македонија, не се случи изненадување, па Португалците брзо се вратија, и потоа само ја зголемија победата.
Рамадан во 9. минута успеа да донесе предност за Македонија. Сепак, предноста траеше само две минути кога Сантош успеа да израмни.
Во првата секунда од 16. минута, Матос донесе пресврт за европскиот првак, а до крајот на полувремето Невеш донесе 3-1, и ги врати работите на место.
Во вториот дел целосна доминација на гостите, кои преку Невеш и Варела стигнаа до 1-5.
Македонија останува со еден бод освоен со Андора на домашен терен. До крајот на квалификациите, Македонија на 5. февруари гостува кај Португалија, потоа на 7. март игра дома со Холандија, и квалификациите завршуваат на 12. март со гостување во Андора.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
