Трката за шампионската титула помеѓу Фенербахче и Галатасарај во Турција продолжува. Денеска Фенербахче со гол по досуден пенал дојде до пресврт и до победа над Касимпаша.
Меѓутоа од нивниот лут ривал Галатасарај сметаат дека пеналот е во крајна мера сомнителен, па реагираа на социјалните мрежи со несекојдневна објава.
„Нема рака во оваа ситуација, но вие имате валкани раце! Тие се бесрамни!“, стои во објавата на Галата.
Следуваше и реакција од Фенербахче, а изјава за официјалниот клупски канал даде членот на Управниот одбор, Селахатин Баки.
„Секоја чест. Со својата објава во една реченица се објаснија себе си и својата историја. Дури и ние не би можеле подобро да ја објасниме“, изјави Баки.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
