Младиот голман Иван Галевски, доби шанса да дебитира на Светско првенство за Македонија. Селекторот Кире Лазаров му даде шанса на мечот со големата Франција, а тој одбрани пенал, и дополнително имаше уште една интервенција.
Галевски по мечот истакна дека е среќен што добил шанса, и дека му се исполнил сонот од детство да заигра за репрезентацијата на Светско првенство.
„Денеска игравме со една велесила, уживање е да се игра и да се биде дел од селекцијата на овој меч. Чест и задоволство ми беше што бев дел од Светско првенство. Мислам дека секој што почнал да се занимава со ракомет, ова му е сон. Игравме на секој натпревар со срце, можеби може да жалиме за бодот со Унгарија и со Австрија, но верувам дека ќе бидеме далеку поискусни на следното големо натпреварување“, рече Галевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
