Македонскиот шампион Е. Пелистер не успеа да дојде до посакуваната победа против дански ГОГ Гудме во 3. коло од Лигата на шампионите. Битолчани загубија на домашен терен со 28-31, не успевајќи да ја реализираат зацртаната цел.
Разочарувањето од поразот по мечот не го криеше и тренерот на Пелистер, Рубен Гарабаја кој нагласи дека очекувал многу повеќе од она што беше прикажано на теренот.
„Почнавме со натпреварот многу добро, реализирајќи ги тактичките замисли на почетокот и тоа функционираше навистина добро. Но, потоа тие ја променија играта во нападот, со акции „еден на еден“ и ние низ тие први моменти не можевме да се привикнеме на таквата промена на играта“ – истакна Гарабаја притоа дополнувајќи:
„Бевме многу лабави во одбраната, едноставно моравме посилно да се браниме… И кога го разбраа играчите тоа веќе беше доцна. Како и да е, нема назад, продолжуваме понатаму бидејќи имаме два тешки домашни меча“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
