Македонскиот млад фудбалски репрезентативец Матеј Гаштаров (19) го одигра можеби и најубавиот меч во досегашната кариера во дресот на Црвена Звезда.
Во рамките на младинската лига на Србија, „црвено-белите“ го совладаа Ушче со 0-6, а токму нашиот интернационалец беше ѕвездата на натпреварот. Уште во 18. минута, по изведен корнер од десната страна, Гаштаров упати удар од речиси 25 метри и топката мајсотрски заврши во самиот горен агол на голот Ушче.
Овој прекрасен погодок е веќе вирален на социјалните мрежи, а навивачите на Црвена Звезда веднаш почнаа да го споредуваат со легендарните директни голови од корнер на Дејан Станковиќ и Синиша Михајловиќ.
Гаштаров, кој од летото 2024 е член на младинската екипа на српскиот гигант, оваа сезона е еден од најдобрите играчи. Тој е стандарден член и на македонската У-21 репрезентација, за која досега има одиграно 11 натпревари. Со овој „еврогол“, талентираниот дефанзивен играч за врска уште еднаш потсети зошто важи за еден од најперспективните македонски фудбалери на својата генерација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
