Манчестер јунајтед на убедлив начин се пласираше во следната рунда од ФА купот, откако на „Олд трафорд“ го совлада Виган, тимот од Чемпионшип дивизијата со 4-0. „Црвените ѓаволи“ беа доминантни на овој меч, иако Виган добро се држеше во првите четириессетина минути. Фелаини го разби нивниот бункер во 44.минута, а потоа беше полесно за избраниците на Жозе Мурињо.
Смолинг на почетокот на вториот дел зголеми на 2-0, а до крајот стрелаа и Мхитарјан и Швајнштајгер, кој за првпат беше стартер оваа сезона.
All Goals & highlights HD – Manchester United 4… by Live1Goals
Нисколигашот Сатон направи сензација елиминирајќи го Лидс со триумф од 1-0, а Милвол го победи Вафторд со идентичен резултат. Испадна и Хал сити, откако загуби со 4-1 на гостувањето кај Фулам.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
