Мексиканскиот претприемач Хесус Мартинез, сопственик на шпанскиот Овиедо, објасни зошто решил да му врачи оставката на српскиот тренер Вељко Пауновиќ, инаку роден струмичанец, кој во моментов е и кандидат за преземање на репрезентацијата на Србија.
Пред новинарите, тој детално ја објасни одлуката на клубот, односно неговата, да го отпушти Пауновиќ по само осум кола од Ла Лига.
За многумина, тоа е прерана одлука бидејќи Пауновиќ е човекот што го внесе клубот во елитната Ла Лига меѓутоа првиот човек на клубот од Астурија верува дека тимот има многу поголем потенцијал отколку само борба за опстанок.
Овиедо победи двапати во осум натпревари, загуби вкупно шест натпревари против ривали од врвот на табелата.
„Ова е отказ од спортски причини – 6 поени од 24. Овој тим не е тука за да се бори за опстанок, туку да биде одличен тим. Мора да работиме понапорно секој ден. Ние сме амбициозни. Сакам да зборуваме за борба за европски купови, а не борба за опстанок. Она што го сакам, пред оваа голема публика што слави 100 години постоење, е да бидеме одлични. Мора да размислуваме поинаку. Не размислувам за тоа да не испаѓаме, туку за нешто што мора да го размислуваме поинаку. Се подобривме комерцијално и не се согласувам со изјавата дека тимот не е конкурентен. Беше тешко да се донесе одлука, никој не знаеше – донесовме одлука во среда навечер. Не сакам да отпуштам тренери, имавме неколку и нема да застанеме додека не го најдеме вистинскиот. Би сакал следниот да остане подолго. Алмада, на пример, помина четири години во Пачука. Нема да донесам никаква одлука што би била спротивна на интересите на нашата институција“ – рече Мартинез.
Првиот човек на клубот изрази голема благодарност до Пауновиќ за неговата работа, резултати и придонес што го даде за клубот.
„Сакам јасно да ставам до знаење дека претседателот, генералниот менаџер и спортскиот директор се луѓето кои секогаш ми даваат повратни информации – секој ден сме во контакт. Конечната одлука ја носи Хесус Мартинез. Му должиме многу на Пауновиќ и засекогаш ќе му бидеме благодарни, тој е човек полн со страст, посветеност и исклучително вреден работник. Најтешко е да се отпушти тренер, отсекогаш било така. Човечкиот фактор е многу важен, не само резултатите. Имавме 6 поени од 24, но има работи што вклучуваат повеќе: социјални, човечки, комерцијални и основните аспекти… Би го дал и животот за нив, бидејќи тие се луѓе кои работат дење и ноќе. Мора да има добра работна атмосфера. Многу сум задоволен од сè што направија и за тоа им честитам на сите“ – рече Мартинез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
