Коронавирусот изминативе денови најголем раст на новопозитивни има во Русија. А, денеска и информацијата дека позитивен на Ковид-19 е и Леонид Федун, сопственикот на најтрофејниот руски клуб, Спартак Москва.
Московскиот клуб во краткото соопштение информираше дека Федун е хоспитализиран за следење на неговата состојба и поради мерки на внимателност.
Федун е еден од најбогатите Руси, сопственик на рускиот клуб од 2003 година. Во овој период клубот освои само една шампионска титула, во 2017 година.
Според последните информации, во Русија со коронавирусот е заразени 180.000 лица, а најзагрозен е московскиот регион.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА