Тоа што Кристијано Роналдо го мисли, а сака да го пласира како порака до своите „непријатели“ и јавноста, секогаш го кажувал преку трети лица. Порано тоа беше неговата сестра, а сега веќе е неговата сопруга Георгина.
Роналдо не го стартуваше синоќешниот натпревар на Португалија против Швајцарија во кој Португалците убедливо славеа со 6-1, па револтот веднаш по мечот го искажа Георгина која со порака на Инстаграм го нападна португалскиот селектор Фернандо Сантош.
„Честитки за Португалија, 11 фудбалери гордо ја пееја химната и одеа кон зацртаната цел. Срамно е што немавме можност да уживаме во играта на најдобриот фудбалер на светот во сите 90 минути. Навивачите не престанаа да го извикуваат неговото име барајќи го да влезе на терен. Се надевам дека Бог и твојот драг пријател Фернандо ќе овозможат да уживаме во твоите мајстории барем уште една вечер“ – напиша Георгина на својот Инстаграм профил.
Роналдо синоќа одигра само 20 минути за Португалија откако победникот веќе беше решен. Не успеа да се запише во листата на стрелци и да дојде пред Еузебио на вечната листа на најдобрите португалски стрелци на светските првенства.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
