Ѓер е првиот финалист на Ф4 во Будимпешта

ЕКИПА во Будимпешта,Билјана Б.Благоеска, Игор ПаневскиРакометарките на Ѓер ќе се борат за третата титула во Лигата на шампионите. Унгарскиот првак е првиот финалист на Ф4 турнирот во Будимпешта, откако денеска во првото полуфинале славеше против Будуќност соИ минатата година на Ѓер беше поуспешен од црногорскиот првак во полуфиналната пресметка, а својата доминација ја потврди и годинава, пред своите гледачи во „Ласло Пап Арена“. За Ѓер ова ќе биде шесто финале во најелитното европско натпреварување во кое ја освои шампионската титула во 2013 и во 2014 година.Избраничките на тренерот Амброс Мартин уште на стартот ја имаа контролата на играта и на резултатот. Анита Горбиц го постигна првиот гол на Ф4 турнир во Будимпешта за почетно водство. По првите осум минути, Ѓер имаше водство од 1-4. Будуќност главно преку бековската линија со головите на Катерина Булатовиќ и Кристина Неагу, успеа да се врати во игра намалувајќи на 4-5 на средината од полувремето. Но, Ѓер не дозволи пресврт, делуваше сигурно на терен и брзо стигна до +5 поведуваќи со 6-11, а на одмор заминаа со предност од 9-12.Искусната Анита Горбиц од седмерец ја зголеми предноста на унгхарскиот тим, a по десет минути веќе стигнаа до највисоки +6 (10-16). Сигурната игра во одбраната на Ѓер го сопре нападот на Будуќност, а тоа им отвори можност да постигнат лесни голови од контранапади и да се одржуваат на безбедна предност која на крај им донесе победа со 20-26 и пласман во големото финале во ЛШ.Анита Горбиц го заврши натпреварот со девет гола, Нике Грот постигна пет, а Едуарда Аморим Талеска заврши со четири гола во победата на Ѓер. Кај Будуќност нападот го предводеа Кристина Неагу со седум и Катерина Булатовиќ со шест гола.Ѓер во борбата за титулата во утрешното финале го очекува победникот од вториот полуфинален дуел меѓу Вардар и ЧСМ Букурешт што почнува во 17.45 минути во „Ласло Пап Арена“ во Будимпешта. Будуќност пак, втора година по ред со поразениот од овој дуел ќе се бори за третото место.