Германија остана без двајца важни играчи непосредно пред почетокот на подготовките за Светското првенство.
Се работи за дуото на Рајн Некар Левен, пикерот Јаник Колбахер и левиот бек Себастијан Хејман. Селекторот Алфред Гисласон на мундијалот на кој Германија ќе игра во групата со Полска, Швајцарија и Чешка во данскиот Хернинг нема да може да смета на овие двајца ракометари.
Колбахер ќе оди на операција на лакотот, а Хејман веќе цел месец имал проблеми со повреда на стапалото. На нивото место се повикани Тим Зехел од Магдебург и Лукас Штуцке од екипата на Хановер.
За потсетување Македонија групната фаза ќе ја игра во Вараждин, а за противници ќе ги има Унгарија, Холандија и Гвинеја.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
