Германија е новиот европски кошаркарски шампион, откако во финалето на Евробаскетот 2025 во повеќе од драматична завршница славеше против Турција со 88-83.
Низ драмата во финалниот натпревар, Ларкин ги погоди двете слободни фрлања, но Тајс одговори со тројка веднаш потоа. Ларкин одговори со уште еден кош, а потоа Денис Шрудер ја подигна публиката со неверојатен шут за предност.
Турците не го искористија следниот напад, а Германија доби важен скок во последната минута. Во долга акција, Шрудер повторно постигна кош и му донесе на својот тим +3 на 18,7 секунди до крајот! Шенгун промаши тројка, а Турција направи прекршок. Шрудер застана на пенал линијата и ги погоди двата шута, одлучувајќи го победникот за конечни 88-83.
The moment Germany won EuroBasket 2025 🔊
(via @EuroBasket)pic.twitter.com/OUS1ezhQAt https://t.co/UY5yNwUS3o
— ClutchPoints (@ClutchPoints) September 14, 2025
По оваа титула, факт е дека Германците се кошаркарска суперсила. За тоа нема сомнеж. Пред две години – светски шампиони, а сега се искачија на врвот на Европа! Го завршија Европското првенство без ниту еден пораз.
Најрасположен во дресот на Германија беше Исак Бонга, кој во финалето се истакна со 20 поени, додека Франц Вагнер постигна 18 поени. Денис Шрудер играше капитенски, завршувајќи го натпреварот со 16 поени и дури 12 асистенции, и повторно покажа дека е вистински лидер.
Во редовите на Турција, Алперен Шенгун обезбеди најмногу со импресивни 28 поени, додека Џеди Осман блескаше зад линијата од 6,75 и заврши со 23 поени, но сепак тоа не беше доволно за да ја запре моќната Германија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
