Поранешниот напаѓач на Интер, Јирген Клинсман верува дека шансите на „нероазурите“ да го победат Манчестер Сити во финалето во Лигата на шампионите се реални. Поради одличната игра, англискиот тим е голем фаворит во пресметката на 10. јуни, а италијанскиот тим има 11 порази во Серија „А“.
Тој му дава шанса на Интер, велејќи дека дури и Манчестер Сити има свои слабости, кои треба максимално да бидат искористени.
„Достигнувањето на Интер до 1/4 финалето изгледаше како голема цел, а кој можеше да очекува финале? Сити е феноменален, но Интер нема што да загуби, и тоа е предноста на овој тим. Веруам во италијанските играчи, и тие клубови се најдобри во вакви натпревари. Секој тим има свои слабости, и тоа го има и Манчестер Сити. Сетете се на Барселона под водство на Пеп. Тимот почнува да покажува слабости по страничните позиции. Интер ќе има шанси, и ќе треба да ги искористи“, рече Клинсман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
