Поранешниот германски фудбалер со полски корени Лукас Подолски (39) во четвртокот вечерта имаше проштален натпревар во Келн, но неговото збогување беше нарушено со хулигански немири. Во прошталниот меч учествуваа голем број познати поранешни соиграчи на Подолски, меѓу кои Мануел Ноер, Матс Хумелс, Пер Мертезакер, Ханси Флик и Јоги Лев.
На неговиот последен излез пред јужната трибина, солзи му течеа по образите. Подолски на прошталниот меч ја оправда репутацијата на култен играч не само како стрелец туку и во прошталниот говор пред навивачите. Отсекогаш сакав да бидам искрен, момче од улица“, вели 39-годишниот гледајќи ги преполните трибини со 50.000 навивачи:
„Без навивачи, фудбалот не е ништо“, додаде тој.
И покрај тоа што има 39 години како професионален фудбалер, Подолски беше во добра форма на својот гала настан, пренесува германската новинска агенција ДПА. Еден од најголемите симпатизери на ѕвездата на Келн беше Јоаким Лев, а во прошталниот меч на кој Подолски сакаше да се заблагодари за шест години во дресот на локалниот прволигаш Келн, поранешниот германски селектор го пофали Подолски.
„Тој секогаш ја имаше дарбата на леснотија. Позитивен став кон животот“, изјави тренерот на светските шампиони од 2014 година за ТВ каналот „ПроСибен“ за својот поранешен играч, со кој секогаш одржувал посебен однос.
„Тој беше еден од најдобрите напаѓачи што ги имавме во Германија. И еден од најпопуларните на сите времиња“, додаде Лев.
Always one of us, legend! Enjoy your retirement.
Lukas Podolski after his ‘farewell match’ FC Köln vs Gornik Zabrze tonight! 😎👏🏻 pic.twitter.com/wHX6ZHE7Uv— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) October 10, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
