Германската кошаркарска федерација изненади со изборот на Шпанецот Алекс Мумбру за нов селектор на германската репрезентација.
Мумбру, кој во досегашната тренерска кариера раководеше со Билбао и Валенсија, ќе го замени Горди Херберт на клупата, кој на Германија и го донесе најголемиот успех во историјата – титулата светски шампион и четвртото место на неодамнешните Олимписки игри.
Херберт, пак, следната сезона ќе го води Баерн Минхен на местото на Шпанецот Ласо, чиј следен предизвик е Басконија.
Мумбру првиот меч на клупата на светските шампиони ќе го има против Шведска во квалификациите за Евробаскет 2025 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
